Ms. Cheung, Bubble b (@bubbleb20188102)
開設網店睇落好簡單，但經營起來卻唔係想像中咁容易。從事日本雜貨網上銷售已經有15年經驗嘅張小姐，究竟係點樣喺眾多網店之中突圍而出？而Carousell又係點樣令佢嘅生意更上一層樓？等我哋一齊睇下張小姐嘅成功故事！
張小姐擁有豐富嘅網上銷售經驗，過去十幾年一直致力飛往外地，為客戶尋覓平靚正嘅日本雜貨潮物。四年前佢喺機緣巧合之下發現Carousell，認為呢個平台擁有龐大嘅顧客網絡，於是加入Carousell，為更多客戶提供荀貨。直到近年受疫情影響，張小姐轉售抵買嘅中高檔美容產品，而張小姐嘅靈活變通亦令佢可以無懼疫市，繼續發展生意。
要成功經營一家網店，除咗要好似實體店咁維持穩定嘅商品品質，數碼行銷亦好重要。兩年前，見到自己喺Carousell嘅生意有所增長，張小姐決定升級為旋轉商店計劃，令佢能更有效規劃銷售策略。張小姐提到，香港人性子比較急，唔會想用太多時間比較商品，因此通過用Carousell嘅宣傳工具將熱賣產品「泵」上去顯眼嘅位置，可以增加客戶觸及率之餘，客人瀏覽網店時亦會順便加購其他產品，帶來更多生意同收入。
同時使用數個銷售平台嘅張小姐分享：「我哋嘅客戶主要喺嚟自Carousell」。由受韓流影響而重視外形嘅年輕一代，以至重視美容嘅中產婦女，Carousell為張小姐帶嚟更龐大，更多樣化嘅客源。美容產品嘅目標客户一向被認為係女性為主，但令人意外嘅係，Carousell為張小姐吸納咗更多男性客戶，佔40%客源，只因Carousell嘅目標受眾不分性別影響。張小姐表示，現在Carousell每月會為佢帶嚟多達幾百個客戶查詢量。
張小姐最後為我哋嘅客戶提供咗啲小貼士：「貨真價實最重要，始終網上平台大家都冇見過面，誠心對待每位客人先可以建立互信基礎，為你嘅品牌帶嚟好評同口碑」。耐心解釋，禮貌對待每一位客人，自然就有更多客人願意成為「回頭客」！
