Jason Chan, R.G computer (@r.g_computer)
受疫情影響，許多商户都面臨極大挑戰，要喺疫市中創業就更加係難上加難。Jason，一位年輕嘅創業家，到底係點樣憑自己嘅實力創立新穎嘅砌機服務品牌，喺疫市中創造奇蹟，持續擴充生意？而Carousell又係如何為佢嘅創業之路提供到協助？等我哋一齊睇下佢創業嘅成功故事！
睇準二手電腦市場 | 網上突圍而出
眼光獨到的Jason四年前仲讀緊書，已經睇好二手電腦市場嘅發展，於是毅然加入Carousell開始買賣二手電腦零件生意。久而久之，Jason嘅生意逐漸發展起來，由當初嘅二手散件零售、砌機服務，到而家創立咗屬於自己嘅公司，並於去年開設門市。現時公司平均每月有過百萬嘅營業額，並不斷拓展個人客戶同商户嘅市場，亦推出各種全面嘅業務方案，包括全新電腦砌機、二手電腦砌機以及獨家嘅舊機換新機服務。
Jason表示：「好多人都忽略咗二手嘢嘅價值。一部被棄置嘅電腦裡面，其實有好多未壞嘅零件，可惜人們唔識善用佢哋。我希望呢啲二手嘢嘅價值可以再次被重視，所以想回收並翻新呢啲零件，令佢哋再次被重用。」呢個理念令Jason喺創業路上殺出一條血路。
疫市中，社會新常態讓不少賣家措手不及，但Jason反而視此為一個新機會去繼續拓展生意。Jason分享，近年買家嘅消費模式有所轉變，開始習慣網上消費，因此對主打網上顧客生意嘅Jason嚟講係百利而無一害。此外，疫情下越嚟越多人在家工作，基於經濟考慮，有一部分本身用開公司電腦嘅消費者，會對價格較實惠嘅二手電腦需求大咗，為Jason嘅二手砌機店帶嚟業務良機。在各種社交距離規範下，Jason更透過為客户提供網上一對一嘅諮詢服務，幫助不太熟悉電腦嘅客户揀選心儀嘅電腦，因此吸納咗更多客源。
Jason明白有部分客户對網店嘅信心始終不及於實體店，因此R.G computer會為客户提供一對一嘅線上諮詢服務，配合客户嘅預算同要求製作一份產品列表，給予客戶充足時間作考慮，以提高客户對品牌嘅信任。R.G computer亦為客戶提供靈活嘅支付方案，容許落訂後貨到付款，務求令客戶有更佳嘅購物體驗及服務滿意度：「我哋需要從消費者嘅角度出發，了解現代嘅消費模式同習慣，先可以同客户建立到更多信任」。
Jason分享加入Carousell後，對生意宣傳有明顯嘅幫助。「我哋有發現Carousell嘅用戶每日都會花好多時間『碌Carousell』，瀏覽不同商品，所以Carousell帶嚟嘅流量好龐大」，而呢個亦係令R.G computer一直使用Carousell平台嘅主要原因。已經連續兩年升級做旋轉商店嘅R.G computer亦會通過定期利用「泵」及「熱門推廣」等宣傳工具將產品放喺熱門位置，除咗可以令更多潛在買家見到，亦能夠持續為自己嘅品牌做宣傳，帶來極大流量。另外，除咗買家好評之外，Jason認為Carousell嘅高級商戶認證徽章亦可以提高買家對品牌嘅印象分，令買家更有信心光顧。
不同於其他平台，Jason認為Carousell嘅客源較為龐大，受眾層面廣，由年輕買家以至一定年紀人士都能覆蓋，讓R.G computer可以吸納到大量不太活躍於其他平台嘅客戶。
Jason最後提供咗啲小貼士比我哋嘅小型商戶：「對於小企業嚟講，宣傳好重要。企業仲處於發展初期階段嘅時候，成交能力並非首要，最重要嘅反而係要不斷為品牌提升知名度，增加網店流量，先能夠令客戶記得你！」
