Link, Supreme Factory Ltd (@supremefactoryltd)
善用宣傳工具贏曝光 出口貿易成功擴展至零售客！
每一間公司當營運一段時間，都會希望繼續擴展自己嘅生意，或者轉型。從事出口貿易多年嘅Link，近年希望將生意擴展至零售客戶，但由於香港租金昂貴，佢選擇咗係Carousell經營網店，成功令自己嘅生意更上一層樓，等我地一齊睇下佢成功擴展嘅故事！
Link 從世界各地搜羅優質產品及開發不同產品目錄，佢嘅公司專營電子產品、電玩遊戲配件及生活用品的貿易，貨品種類同數量非常多，為咗減輕成本，佢近年一直尋找唔同網上平台展示產品。Link 喺3年前已經開始使用Carousell，佢選擇Carousell皆因平台有龐大流量，產品上架後配合宣傳，例如泵同spotlight，就可以成功增加曝光，對於銷售一些獨特嘅遊戲產品，例始Pokemon有莫大幫助。「因為carousell本身已有很高嘅知名度同流量，只要配合適當操作，就可以將產品曝光。」Link表示。
於Carousell開網店令到很多零售客戶認識到Supremefactoryltd，漸漸吸引到好多人親身來到交收，更加會特意上去購物，原本倉庫位置變為取貨地點，令他能接觸大量零售客源，生意及人流都大有提升。
Link提到Carousell另一好處係門檻低，可以免費以個人商戶身份去銷售，或者可以用年費以商戶身份銷售，唔需要任何交易費同佣金。Link感覺Carousell生意不錯，所以喺上年更決定付費加入旋轉商店。加入商店後，Link 認為當中嘅商戶認證對生意有最大幫助，有別於普通用家，呢個認證令Link嘅客人更有信心下單，令到生意額、查詢、同銷量都提升咗唔少。
Link仲為我地嘅商戶提供咗一啲銷售小貼士，喺網上平台交易，買家信心十分重要，佢建議商戶可以提供一啲額外嘅退貨保障俾用客戶。以佢嘅公司為例，佢地可以俾客戶喺30日內退換不滿意貨品，全額奉還，真係非常保障到買家！
