「專業賣家」平台服務費政策
對「專業賣家」有咩改變？
如果你係專業賣家帳號、冇購買旋轉商店商務版*，而且單月內喺聊天交易、或者最少10個外部聊天交易收入達到HK$7,000或以上，Carousell就會向你收取平台服務費。你嘅總預計收入包括透過「購買」按鈕完成嘅交易同埋聊天內嘅交易，所有產品類別都包括在內，某啲子分類則除外。
已加入旋轉商店商務版嘅「專業賬號」同所有個人賬號可獲豁免於呢個政策。如果你嘅「專業賬號」主要售賣嘅產品分類係屬於豁免繳費嘅類別，你都會收到平台服務費嘅發票， 不過唔使擔心——我哋會自動為你豁免服務費。
*注意：訂閱CarouBiz計劃唔等同加入旋轉商店商務版。旋轉商店商務版係指直接向我哋銷售部團隊購買嘅訂閱計劃。
不過有個好消息係——只要你加入年費旋轉商店商務版，就無須繳交平台服務費，仲可以享受專屬賣家優惠！
咩係「平台服務費」？
如果你係收費對象，「平台服務費」會係每單聊天交易收入嘅 2.5%，每筆交易最高收費係 HK$100。你可以喺「個人檔案」中「分析」嘅頁面見到你嘅預計收入，清楚顯示你透過聊天及「購買」按鈕交易所帶來嘅每月收入。
你喺當月訂閱 CarouBiz、購買旋轉金幣、賣家工具同刊登配額嘅支出金額會抵銷該月嘅平台服務費。
範例計算：
- 你喺六月嘅交易收入：HK$50,000
- Carousell 平台服務費 (2.5%)：HK$1,250
- CarouBiz 訂閱計劃支出 (抵銷平台服務費)：HK$711
- Growing CarouBiz discount (50%): HK$269.5
- 最終平台服務費：HK$269.5
貼士：你訂閱 CarouBiz 同購買賣家工具嘅費用可以部分或全部抵消你嘅最終平台服務費。
獲豁免嘅子分類：
分類 | 子分類 |
|---|---|
家居服務
| 所有子分類 |
商務服務
| 所有子分類
|
品味生活服務
| 所有子分類
|
學習及增值課程
| 所有子分類
|
工作
| 所有子分類
|
樓盤 | 所有子分類
|
車 | 所有子分類
|
汽車配件
| 汽車維修及美容服務
|
電單車
| 電單車放售
|
電單車出租
| |
收藏品及紀念品：
| |
興趣及遊戲
| |
郵票及印刷品
| |
錢幣
| |
古董收藏
| |
明星周邊 | |
日本明星
| |
韓流
|
常見問題
收入係點計算？
如果交易取消咗，會點樣處理？
我哋只會對成功嘅交易收取平台服務費，如果交易被取消或退款，你可以提交修改金額嘅請求——我哋將會喺 2 個工作天內回覆。
如果估算嘅預計收入唔準確可以點做？
我哋係用人工智慧嚟估算你喺聊天交易中獲得嘅收入，我哋會定期審查呢啲演算法以確保準確性。你亦可以透過交易詳情頁面要求修改，我哋將會進行相應嘅審核。
請留意：外部聊天嘅預計收入不能修改
提出爭議嘅期限
你有15日嘅時間（由發票日期計起）嚟修改你嘅交易。
例如，如果你喺7月初收到6月嘅發票，你就可以喺7月25日之前提出修改。
你最遲可以喺當月25號（即發票日起計15日內）修改交易。
修改交易。
例如：
如果你嘅賬戶需要支付平台服務費，而你喺7月10日收到6月份交易嘅發票，你可以修改發票中交易收入嘅期限係7月25日。
過咗呢段時間，「修改」按鈕選項就會消失。
✏️ 重要注意事項
每筆交易只可以申請修改一次。提交咗之後，你仍然可以喺48小時內進行調整，之後我哋會再進行審核。
如果你嘅修改被接受，我哋會喺該發票應付月份嘅25號前發出新發票。
💡 貼士：你可以喺服務費明細中下載交易清單，睇吓邊啲交易有計入去你嘅收入，幫助你更準確地調整。
📍 點樣修改收入
去「分析」>「預計收入」
點選你想要調整嘅交易
撳「編輯」✏️
輸入正確嘅金額以修改你嘅收入
撳「提交」
如果你嘅修改符合自動接受條件，將會即刻生效。否則，我哋將進行審核。
發票幾時會發出？
發票會喺每個月嘅10號發出，涵蓋你上個月嘅聊天交易。你可以喺個人檔案中嘅「分析」分頁查看你嘅發票。
例如：
- 你喺6月完成嘅聊天交易會喺7月10號收到發票。
- 你可以喺7月25號之前提出任何修改，之後發票就會最終確認。
當更新好嘅發票準備好，你可以：
- 下載發票同費用明細
- 喺同一個月嘅25號前作出所需嘅收入調整
- 喺下個月嘅10號前完成付款
- 只接受扣賬卡或信用卡作為付款方式。
繳付服務費
如果你嘅賬戶需要支付平台服務費，我哋會向你發出發票供你查閱同繳費。
如果估計收入嘅調整被接納，我們會喺該月25日之前發出修訂後嘅發票俾你。
請留意：繳付平台服務費僅限喺平台上進行，我哋絕唔會透過外部網站問你攞付款或銀行卡資料。
如果我唔支付平台服務費會點樣？
不按時支付平台服務費嘅賣家喺 Carousell 上做銷售將會受到限制。
如果我喺到期日之後付款會點樣？
提早付款可以獲得額外嘅旋轉金幣同配額
喺每個月嘅25號或之前付款就可以獲得免費旋轉金幣同額外配額，幫你增加銷售。
根據你嘅收據金額，你將可獲得： | 你嘅平台服務費收據金額
| 免費金幣
| 刊登配額 （有效期至下月10號） | 回覆配額 （有效期至下月10號） |
|---|---|---|---|
少於港幣150元
|
50%金幣回贈
| – | – |
港幣150至400元
| 50%金幣回贈
| 2x | 無限
|
港幣450至750元
| 75%金幣回贈
| 5x | 無限
|
多於港幣750元
| 100%金幣回贈
| 10x | 無限
|
例如：
如果你喺6月份嘅平台服務費金額為港幣200元，你將會獲得：
50%金幣回贈：價值港幣100元嘅金幣
2倍刊登配額：如果你喺「名牌」分類嘅每月配額係5個，你會額外獲得5個，所以該分類嘅總刊登配額係10個。
無限回覆配額：可以同任意多嘅新買家聊天。
獲得嘅刊登配額同回覆配額有效期至下個月10號。
*一旦你完成付款，金幣同配額會喺7個工作天內存入你嘅帳戶。
我可以選擇退出「平台服務費」政策嗎？
「平台服務費」政策適用於所有「專業帳號」，並不提供退出選項。不過你喺同一個月花費喺 CarouBiz*、旋轉金幣、賣家工具或刊登配額上嘅任何支出都可以幫你抵消部份或者全部嘅平台服務費。
*訂閱CarouBiz 計劃嘅額外服務費折扣
成長方案(Growing CarouBiz)：50%折扣
標準方案(Standard CarouBiz)：25%折扣
又或者你可以升級至旋轉商店商務版，以豁免於呢個政策同享受額外福利。聯絡我哋以了解更多資訊。
請留意：我哋絕對唔會喺電郵入面詢問你嘅帳號密碼、付款資料或者個人資料。如果你收到呢類電郵，請勿回覆或點擊任何連結
