相信唔少人對Content Marketing有所誤解，最緊要有話題性？抑或夠「爆」？同平時嘅 marketing又有咩唔同呀？
同傳統marketing最唔同嘅地方，內容營銷（Content Marketing）唔再hard sell佢哋個產品嘅賣點然後瘋狂叫你買，而係會通過影片、圖片或文字等形式去傳遞信息或概念並慢慢滲透俾客戶。然而，高質嘅「Content」可以本身已經具備創意或者教育性，同時達到品牌推廣嘅作用 ，甚至會令人share出去。
Content Marketing另一個得意嘅地在於，佢嘅作用唔單止有短期業績提升，而係比較長遠嘅效果，例如提升品牌形象或顧客對品牌忠誠度（Customer Loyalty)。
你有冇曾經明知係廣告但依然心甘情願咁睇到尾？泰國呢方面就做得比較出色，一堆「感動一 百萬人廣告」之中最經典一個就係：一位窮先生到處幫人，就算繼續活得平庸但帶俾他人温暖，間接就將「種善恩得善果」同保險掛勾咗。
而本地都好多新專頁或者頻道都玩得出色，例如保健專頁CheckCheckCin會定時出唔同嘅中醫保健文章，等用戶以較簡單同得意嘅圖像去理解中醫知識，例如清熱排毒等，提升年輕人對健康嘅關注，繼而又可以展現到佢哋公司係保健方面嘅專業，最後當然都成功吸引到唔少佢哋嘅支持者購買品牌健康飲品。
假如我係一個Carousell賣家，除咗賣產品之外又可以點到Content Marketing？Carousell就有 「旋轉商店Caroubiz」俾賣家Upgrade做「商業用戶」，仲提供6大功能，小編嘅心水就係 「錄影產品」功能，除咗可以令買家更加認識產品本身，例如係使用教學，更加可以了解賣家更多，亦可分享背後嘅銷售理念（Click呢度認識更多）。即刻試下啦！
