雖然Carousell啱啱先發展服務分類，但有一個龐大嘅顧客網絡，所以我都好有信心。

已經加入咗Carousell超過三年嘅Tom，一開始都係做一啲小生意，例如將自己同埋身邊嘅人嘅一啲二手嘅物品放上Carousell拍賣，等有心人選購。但上年佢決定喺Carousell開網上商店，嘗試從事一站式嘅家居服務，令自己嘅生意更上一層樓。等我地一齊睇下佢默默耕耘後嘅成功故事！

一開始，Tom慢慢發展佢嘅生意，發現Carousell雖然先啱啱發展服務類型嘅接觸，但因為呢個平台擁有一個龐大嘅顧客網絡，於是毅然決定加入。自從佢加入咗旋轉商戶之後，了解多咗新推出嘅宣傳工具，旺季嘅時候由每日五、六個詢問增至十數個顧客接觸量，而潛在客戶嘅轉化率更加成功地多左一至兩成！

「做好自己。」係Tom不斷提醒自己同埋身邊人嘅一句說話。佢認為態度好重要嘅原因係因為銷售服務唔似賣實體商品咁樣，利潤嚟得好快。反之成個銷售服務係一個好慢嘅過程：由接觸，到溝通，設計，製定，施工……每個步驟不可或缺，如果唔可以維持一定嘅服務品質，又冇足夠同客戶溝通嘅耐心，最後只會敗於口碑。良好嘅服務態度係會令商戶帶嚟更多「回頭客」㗎！