創業從來都唔係易事，準備工夫跟週詳計劃係絕對唔少得。但有一位成功嘅商家喺無心插柳嘅情況下創出一番事業，相信大家一定有興趣聽吓佢嘅經歷同建議！今期接受我哋訪問係 @airy.living 負責人陳小姐。
成功電商之路 一切由無心插柳開始
Airy Living 成立喺2019年，經營大型傢俬網上零售。陳小姐表示業務開展之初，市場上甚少網上銷售傢俬嘅商家。「當時我上傳咗廿十幾件商品到 Carousell 上，喺無做任何宣傳下竟然發現有生意，覺得好神奇！」因為本身從事室內設計行業，所以最初開設傢俬網店希望能夠提供一站式銷售服務。「室內設計項目最花時間係為客人尋找同配襯傢俬，所以我用累積咗嘅選購經驗，提供精心挑選嘅傢俬，畀客人可以自己選擇喜愛嘅風格，從而令佢哋滿足設計慾，亦可幫助我增加工作效率。」其後，經歷咗兩年身兼讀書、全兼職工作嘅時期，陳小姐決定全身投入網上銷售事業。
CP值高嘅電商平台 為網上銷售打好基礎
問陳小姐係咪一開始就選擇 Carousell 為佢嘅電商銷售平台，佢斬釘截鐵：「係呀！無其他香港銷售平台可以咁簡單方便操作、流量又非常高，同時目標客群又夠精準。相比起社交媒體廣告營銷，喺 Carousell 上刊登商品跟投放廣告嘅引流成效一定比較大！」陳小姐繼續：「我真係好多謝你哋頒咗一個《傑出優質商戶》獎畀我，另外就係《優質賣家》徽章，我覺得佢哋對我嘅業務好緊要，可以令客人對我哋嘅商品同服務更有信心！」
電商業務嘅至勝貼士 賺錢外用心服務客戶
講到 Carousell 邊一個推廣功能給予業務最大優勢，陳小姐：「我覺得係《Bumps》，因為每次購買後，都會帶來大量點擊率。」再問陳小姐會畀咩建議仍喺度考慮係咪訂購《旋轉商店》嘅商戶？「喺香港，暫時要搵一個咁自由度高兼門檻低嘅網購平台，只有 Carousell！而且 Carousell 喺香港已經扎根多年，所以深得民心！！」最後，陳小姐想給予所有商家嘅貼士係：「做生意一定要用心，雖然賺錢係必須，但都要畀心機去服務客戶。你用心做客人係知道嘅，所以佢哋一句多謝已經係對我最好嘅稱讚！」
多謝 Airy Living 陳小姐接受我哋嘅訪問，祝佢嘅業務蒸蒸日上！。旋轉拍賣係各中小企商家嘅電商銷售平台不二之選！想申請《CarouBiz》計劃或查詢詳情，請點擊呢到或同我哋嘅客戶服務員聯絡。
