CC, CC 台灣代購 (@cckoreahouse)
近年香港興起創業之風，亦有唔少女性會希望生育後開店做生意。CC，一位全職媽媽，一直視女兒為佢經營副業嘅動力，想為女兒提供良好嘅生活。由韓國美容產品以至台灣護膚品，再去到而家嘅防疫產品，CC捉緊每一個機會，最後成功喺疫市中開拓新商機，生意一浪接一浪。等我哋一齊睇下呢位全職媽媽嘅成功故事！
七年前，CC開始發展佢嘅韓國護膚品網上生意。後來CC留意到韓國美容產品市場逐漸飽和，再加上即將遷移台灣，於是果斷放棄韓國美容產品市場，轉賣台灣護膚品，開拓新商機。近年不少商戶嘅生意都受到疫情影響，審時度勢嘅CC注意到疫情嘅趨勢走向，於是果斷轉攻防疫產品市場，主打售賣台灣製醫用口罩。此舉令CC喺競爭性大嘅疫市中帶嚟良好商機，生意額急升。
CC喺兩年前加入Carousell發展佢嘅口罩市場，並以「款式多，出貨快」作為佢網店嘅賣點。CC提到除咗要準備足夠現貨去維持快速嘅發貨速度，亦要耐心解答買家嘅疑問，咁樣先可以同客户建立到更多信任，慢慢累積到更多客戶與好評。
升級咗做旋轉商店快滿一年嘅CC認為，呢個商店計劃令佢可以以更優惠划算嘅價錢購買大量旋轉金幣去「泵」產品，時刻維持產品嘅曝光率，為網店帶嚟良好宣傳效果。CC分享：「平台上有太多產品，而香港人普遍只會願意瀏覽頭幾頁嘅產品，所以你嘅產品好容易會沉底，無人問津」。現時CC平均每日會「泵」十多次，將產品放喺熱門位置增加曝光率，吸納更多買家，在眾多產品中脫穎而出。「你要有「泵」去推廣產品，買家先至可以喺最短時間內留意到你嘅刊登產品」，CC因此將「泵」呢個宣傳工具視作為良好嘅業務運作模式。
CC表示：「近年開始越嚟越多人認識Carousell，而Carousell亦可以算係買賣平台嘅獨市」。而家CC嘅生意有99%嘅客源都係嚟自Carousell，而Carousell嘅龐大流量亦為CC嘅網店帶來可觀嘅銷售表現：「現時我哋一星期嘅成交量多達幾百個，每日亦有近百個查詢，網店嘅收入甚至比外面普通正職嘅收入高」。
CC最後亦提供咗一啲小貼士俾我哋嘅客戶同買家：「商家嘅評價同買家嘅評價都好重要，商家要好好維持品牌形象之餘，亦要留意買家嘅信譽評價，無論係商家定係買家，都要懂得保障自己」。
