Carousell嘅商戶認證可以比客戶更多信心。

黃生加入左做旋轉商戶差唔多半年，一直從事搬運嘅佢， 點解會選擇Carousell去拓展佢嘅生意呢？等我地一齊睇下佢嘅成功故事！

因為公司起步咗兩三年並未有門市，所以黃生初初都係想搵一個網上嘅推廣渠道去拓展佢嘅生意，於是兩年半前佢加入咗Carousell，當時只係普通用戶嘅佢，定期都會放上佢自己嘅服務資訊吸引客戶查詢，但係當佢知道咗做旋轉商戶嘅好處之後，佢就覺得商戶認證可以比客戶知道呢啲商戶可以提供到更高質素嘅服務，同埋可以比客戶多啲信心。

黃生認為作為服務嘅供應方，對顧客嘅態度係好重要，因為好多時候客戶都係由商戶嘅好評數量去接觸佢哋。客戶嘅評價對商戶聲譽嚟講尤其重要，特別係作為網上提供服務嘅商戶。另外，黃生表示定期更新自己服務嘅列表係好重要，因為顧客會根據呢個列表去搵佢哋想要嘅服務。盡快回覆顧客，唔好怕蝕底，真誠咁對待唔同嘅客戶查詢，咁就係致勝嘅關鍵！