「在生意上多個途徑，令更多客人光顧我們的髮型屋，甚至因為 Carousell 這個平台而有更多用戶知道我們的品牌。」- Danny, Cult Salon (@cult.salon)
唔少髮型屋都會透過社交平台上投放廣告，希望可以搵到新客戶。但係喺顧客眼中，單憑幾張相好難說服佢哋去試新嘅髮型屋。所以客人都係會去返自己平常會去嘅髮型屋剪頭髮。要喺網絡世界突圍而出真係唔容易。
Danny 係一位髮型師，經營髮型屋業務多年，近年亦開始著手人材培訓以及產品代理，希望將生意擴展。一直以來，髮型屋嘅傳統宣傳方法係做好一個客人，得到客人嘅轉介去介紹比佢嘅親朋戚友，從而獲得新客源。Danny 表示見到近呢幾年開始有轉變，所以佢都有開始經營自己嘅網絡平台，去增加曝光機會。為咗跟上網上推廣呢個潮流趨勢，佢揀咗擁有龐大流量嘅 Carousell 令佢可以推廣個人服務、公司品牌以及產品銷售，同時連帶到公司社交平台嘅讚好同訂閱人數都有明顯增長。
Danny 認為開始用咗 Carousell 之後生意變得更好，最明顯嘅地方係多咗客人知道佢哋髮型屋嘅名同幫襯佢哋，仲會有客人特登過嚟買一枝洗頭水，而唔係購買一個服務，可以見到客人對佢哋嘅信任。
Danny 提到佢用旋轉商店嘅一啲心得，就係好好利用「泵」同「熱門推廣」。當佢有作品想短暫、快速推廣嘅話，就可以用「泵」令自己嘅地區入面有更多人見到。而如果係商店本身嘅皇牌產品同服務，咁就可以用「熱門推廣」長期置頂，喺旋轉商店上不斷宣傳，從而吸引更多客人！
