印證不容忽視用家意見 | 開展靈活自主電商之旅

商業顧問畀嘅意見固然重要，但用家嘅意見亦都非常珍貴。今期訪問嘅主角係加入咗 Carousell 旋轉拍賣 4 年 – @sum90s 嘅負責人阿森！佢就印證咗用家意見可以有幾指導性同決定性，而咁啱嗰位用家仲係佢嘅一位親友。「我以前係做開二手手機買賣，5 年前諗住開實體店，但咁啱有親友講起買咗新電話之後，喺 Carousell 放部舊電話，即日就有超過 20 個留言表示有興趣，而且第二日就已經成功賣出。」就係呢個契機令到阿森開始有喺網上創業嘅念頭。「就係因為咁，所以就開始思考究竟係咪真係有需要開實體店！因為實體舖始終有佢嘅局限性，又要交租、客源亦比較單一。 會唔會寧願減去租金嘅負擔，令產品平過一般實體店嘅賣價去吸引客人購買呢？諗咗一段時間，最後決定嘗試開網店，同埋揀咗 Carousell 作為我嘅網店平台！」

CarouBiz 助數字持續增長 | 讓電商營銷變得輕而易舉

期後業務發展一直持續增長，所以喺一年幾前決定升級成為【CarouBiz 旋轉商店】嘅用戶。問阿森經營網店前後，業務上有咩改變？「明顯增加咗曝光率，亦可以更好咁建立品牌形象。另外，可以setting返產品分類，方便客人瀏覽。而獲得高級商戶認證徽章亦都增加咗客人對我哋嘅信心，而令成交量有所增加。」阿森繼續：「升級咗做旋轉商店年幾，見到查詢量多咗 4 倍， 而家 8 成嘅客人都係嚟自 Carousell！而 Carousell 比起其他熱門銷售平台嘅回報率高出好多，不論係流量定係成交量都係其他平台嘅兩倍有多。」

讓中小企業少行冤枉路 | 網上生意入門必然之選

問阿森當遇到平台操作或生意營運上嘅問題時會點做？「我會聯絡我嘅客戶服務經理，佢可以好快速咁回覆我。比起其他社交平台出現任何問題後要 send 個 email，然後等一頭半個月有明顯嘅分別。令我可以更快速地處理更多事情，淨係呢一點已經幫到我好多好多！」最後問阿森畀啲咩建議仍然喺到考慮緊訂唔訂 CarouBiz 嘅商戶，阿森表示「如果係啱啱開始經營網上生意，用 CarouBiz 可以令小企業行少好多冤枉路。作為一個網上銷售平台，佢已經有一定知名度同流量，只要多啲善用啲宣傳工具，就會好快見到實質回報。對要增加客路同樹立品牌形象嘅小企業好有幫助！」

好多謝阿森分享佢寶貴嘅經驗同意見，希望佢嘅生意可以繼續蒸蒸日上！【CarouBiz 旋轉商店】零佣零上架費、店面操作簡易、營銷功能高效，助你輕鬆營運電子商務以及執行市場營銷，以最少資源獲取最高回報！立即成為旋轉商店，預約免費咨詢，開展你成功嘅電商之旅！